مستعجلين.....

نيوكي مع جبنة الماعز و صوص الزبدة و المريمية

مرحبا

 اليوم كنت مستعجلة كتير و ما في وقت لطبخة جديدة محرزة، و كمان عندي شوية اكل من قبل بيوم، فقررت أطول شوية نيوكي 

كنت مفرزيتهم من اول و اعملهم مع صوص الزبدة، أكلة سهلة و سريعة كتير

النيوكي هو نوع من الباستا الايطالية مصنوعة من البطاطا مع الطحين 

طبعا انا هون كاتبة طريقة عمل عجينة النيوكي بالأول بعدين طريقة الطبخ مشان اذا حبيتوا تعملوا كمية و تفرزوا شوي لوقت تكونوا في مستعجليين زيي.

العجينة

١\٢ كيلو بطاطا 

٣-٤ صفار بيض كبير 

١\٤ ملعقة صغيرة جوزة الطيب 

١\٢ كوب جبنة بارميزان مبروشة 

١\٢ ملعقة صغيرة ملح 

١\٢ ملعقة صغيرة 

١\٤ ملعقة صغيرة فلفل اسود 

١ كوب طحين ( و ممكن نحتاج اكثر اثناء العمل 

الصورة من جوجل

للتقديم

١ أصبع زبدة 

٤ أوراق مريمية طازجة

١\٢ كوب جبنة ماعز مقطعة قطع صغيرة 

جبنة بارميزان مبروشة للوجه 

جوز محمص للزينة

الطريقة

- نرش صينية خبز بطبقة من الملح البحري الخشن و نضع حبات البطاطا فوقه و نخبزها في فرن حامي ١٨٠مئوية و لمدة ٤٠-٥٠ دقيقة حتى تنضج و تصبح طرية 

- نقشر البطاطا و نهرسها بالشوكة او بالأداة الخاصة و نضيف الملح و الفلفل و الجبنة و جوزة الطيب و نحرك 

- نضيف الطحين بالتدريج و نقوم بتجميع العجين بدون ان نعجن كثيرا، حتى تتكون عجينة متماسكة 

- نقوم برش الطاولة بالطحين و نقسم العجين اربع أقسام، و نشكل العجين على شكل حبل طويل، ثم نقسمه الى قطع صغيرة متساوية الحجم و نعطيها شكل مخطط باستخدام شوكة او الاداة المخصصة الموضحة في الصورة ( انا استخدمت شوكة) و نرش طحين و ذلك لمنع الالتصاق

الصورة من جوجل للتوضيح

- نرتبها في صينية مرشوشة بالطحين و نتركها لمدة ساعة حتى تجف قليلا و ترتاح 

- نقوم بسلقها في ماء مغلي مملح حتى تطفوا على السطح ثم نصفيها و نقلبها بقليل من زيت الزيتون.

للتقديم

- تذوب الزبدة في مقلاة كبيرة و نضيف أوراق المريمية، حتى يبدأ اللون بالتحول الى الذهبي 

- نضيف النيوكي و نقلب لمدة دقيقتين

- يقدم مع قطع من جبنة الماعز و الجوز المحمص و برش جبنة بارميزان على الوجه