سنة خير على الجميع انشالله.... Sesame Bars

عدنا و العود أحمد... و فرحانة إني أرجع بهيك مناسبة عظيمة،،، يوم ميلاد سيد الخلق سيدنا محمد صلى الله عليه و سلم

من زمان ما كتبت بوست جديد و الصراحة زي ما بقولوا البعد جفا... يعني كل ما آجي بدي اكتب، بكسِّل و بلتهي بمليون شغلة.... كان في كتير أسباب للغيبة بدون ما ندخل بالتفاصيل بس الحمدالله مرقت و المهم أني رجعت..
عادة في مثل هادا اليوم العظيم، بتم تقديم انواع معينة من الحلويات و لكن سيد الموقف هوه المشبك و السمسمية، مرات الجيران بصيروا يبعتوا لبعض بهدف المشاركة، و خاصة اذا كان شغل بيت

.
انا اليوم اخترتلكم السمسمية لانه زي ما هوه معروف عني أني بكره القلي هههههه ... إضافة انه سريعة كتير

 

المكونات

٢/١ كيلو سمسم بقشره محمص
٢/١ كوب سكر بودرة
٢/١ كوب عسل او قطر
٢/١ كوب فستق سوداني او فستق حلبي او خليط من الاثنين (اختياري)

ملاحظات

- اذا بتحبو السمسمية بتقرش استخدموا القطر، أما اذا بتحبوها بتِعلِك فلازم تستخدموا العسل
- ممكن تنعمل سادة بدون مكسرات (حسب الرغبة)
- انتبهوا انه السمسم اللي بتشتروا يكون غير مملح ( لانه صارت معي أني عملت سمسمية، و طلعت مالحة, و انفقسنا)

الطريقة

- تدهن صينية متوسطة بقليل من زيت الذرة
او تغلف بورق الخبز ثم ندهن فوق الورق قليل من الزيت و ذلك لمنع الالتصاق
- يخلط السكر البودرة مع العسل في طنجرة كبيرة على النار حتى يذوبوا سوا، بعدين بنضيف السمسم المحمص و المكسرات و بنخلط بسرعة حتى يتغلف كل السمسم بخليط العسل
- تفرد الكمية بسرعة على الصينية بسمك ٤/١ - ٢/١ سم حسب الرغبة
و تقطع مربعات صغيرة و تترك لتبرد و تقدم

Sesame Bars

1/2 kilo toasted sesame seeds
1/2 cup powder sugar
1/2 cup honey or sugar syrup
1/2 cup coarsely crushed peanuts or pistachios

Notes

- for crispy texture use sugar syrup, but for chewy bars you should use honey
- be careful to use unsalted sesame seeds
- u can drop nuts from this recipe

Directions

- brush a medium sizes baking try with vegetable oil, or cover with parchment then brush it over with oil
- mix sugar with honey in a large saucepan until sugar disappears.
- add sesame seeds and nuts to the hone mixture and mix them very well, until all sesame seeds are coated with honey
- spread the mixture in the tray very quickly into 1/4-1/2cm thick (as preferred ) then cut into small squares and let cool at room temperature, u can serve them immediately